Жаңалықтар
Шекарашының жас достары
2018 жылғы 26 мамыр күні Купино қ. Ресей Шекарашылық қызметінің 100 жылдығына Новосібір облысы, шекарашылық аудандармен шекарашының жас достары атты облыстық байқау-конкурсының 12 ашылуы өткізілді.
Байқау-конкурстың мақсаты өскелең ұрпақты патриоттық тәрбиеге баулу, салауатты өмір салтын ұстануға дәріптеу, әскери қызметтің дәрежесін дәріптеу.
Ауданымыздың намысын Т.П.Праслов атындағы Прииртышск ЖОББМ «Жас Ұлан» командасы Балтабаев О.Т. мен Кузьмин С.В. басшылығымен қорғады, команда құрамында 5-10-сынып оқушылары.
Соңғы қоңырау – балалықпен қоштасу
Соңғы қоңырау - ең толқулы мерекелердің бірі, көптеген жылғы білім атты марафонның оқуларына, қоңыраулары мен бақылау жұмыстарына, үй тапсырмаларына соңғы нүктесі қойылатын күн. Дәстүр бойынша соңғы қоңырау 25 мамыр күні салтанатты жиынмен басталды.
Мектеп директоры Исенова С.А. оқу жылының аяқталуымен оқушыларды, ата-аналарды, педагогикалық ұжымды құттықтап, мақтау қағаздарын ұздік оқушыларға, алғыс хаттармен мұғалімдер мен тұрақты демеушілерді марапаттады.
Түлектерге деген ыстық ықыласын Железин ауданының кәсіпкерлік пен өнеркәсіп бөлімінің басшысы Дугалов Т.А., аудандық мәслихат депутаты Неупокоев В.И., Прииртышск әкімдігінің бас маманы Турчак Е.А., білім бөлімінің әдіскері Сейтенова Х.М., алғашқы мұғалімі Путинцева А.А., ата-аналардың атынан Маханова З.М. жолдады.
Соңғы қоңырау
2018 жылдың 25 мамырында ауданның 93 түлегі үшін соңғы қоңрау сыңғырлады. Биыл «Алтын белгі» аттестатын 3 түлек растайды, оның екеуі Железин №2 ОМ түлегі. Мектеп түлектерін құттықтау үшін Железин №2 ОМ-не аудан әкімі Қ.Ш.Кашкиров және білім бөлімінің басшысы Анара Балтабековна Баденова қатсты.
Канат Шаймарданович мектеп түлектеріне құттықтау сөздерін тіледі: «... Алдарыңызда табыстары мен жабығуы көп үлкен және қиын жол күтіп тұр. Оларға философиялық тұрғыдан қараңыздар, себебі әр сәтсіз жағдайдан кейін сәттілік тұрады, тек соны өте қалап тұрсан». «Алтын белгі» аттестатын алуға үміткерлерге өз деңгейлерін растауға тілегін білдірді.
Мектеп директоры Шолпан Каирслямовна Кантарбаева бұл күнді салтанатты және әсерлі мерекелерінің бірі деп атап, мектептің әрбір түлегі түрлі конкурстар мен жарыстарға қатысып, жеңіп, туған метебінің мәртебесін көтере білгенін ерекшелеп өтті. Түлектер грамоталар мен сыйлықтармен марапатталды.
Құрметті Ата-аналар, ұстаздар, оқушылар!
Бүгін барлық қазақстандық түлектер үшін мектеппен қоштасуға арналған атаулы мереке. Сондықтан сіздерді соңғы қоңырау мерекесімен шын жүректен құттықтаймын!
Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.
Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
Түлектер өздерінің 11 жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.
Барша жас түлектерді алда үлкен сын күтіп тұр. Барлықтарыңызға Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңызға тілектеспін. Ал мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін.
Сіздер бүгін үлкен өмірге жолдама алғалы тұрсыздар. Елбасы Нұрсұлтан Әбішұлы Назарбаев жас ұрпақ тәрбиесіне, білім беру ісіне ерекше назар аударып, Сіздердің сапалы білім алып, үлкен азамат болуларыңыз үшін барынша жағдай жасап отыр. Білімді, көзі ашық, көкірегі ояу болуға ұмтылу – біздің қанымызда бар қасиет -деп Ел басымыз айтқандай , бұл – рухани жаңғыруымыздың басты негіздерінің бірі.
Үш тілді жетік меңгеріп, рухани бай, білімді азамат болыңыздар. Сосын мәпелеген ата-ана, білімге баулыған ұстаздарыңызды қадірлей біліп, солардың үмітін ақтауға тырысыңыздар. Бір сөзбен айтқанда еліміздің болашағы – Сіздердің қолдарыңызда. Сондықтан да қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға шын жүректен тілектеспін. Ақ жол.
Құрметпен, Қазақстан Республикасындағы Бала құқықтары жөніндегі уәкіл З. Балиева
ІТ сыныптың ашылуы
25 мамырда Железин ЖББ №1 ОМ – де «Нұр Отан» партиясының белсенді жобалары аясында ІТ сыныбы ашылды.
Кабинеттің ашылуы Железин ауданының әкімі К.Ш.Кашкировтың құттықтауымен басталып, Павлодар обласының «Нұр Отан» партиясы филиалы төрағасының орынбасары Ж.Т.Тайкебаева , Железин аудандық білім бөлімінің басшысы А.Б.Баденованың құттықтаумен жалғасты.
ІТ- технологияның дамуы кішкентай арнадан үлкен ағым болып қалыптасуы, қазіргі заманда өмірдің әр ағымыммен байланысады. Ақпараттық технология жұмыс үдерісін белсенді, нәтижелі, ұйымдастырылған түрде өтуін қамтамасыз етеді. Ақпараттандыру технологиясының орталығы- бүгінгі күннің талабы, ел болашағының жетістікке жету кепілі. Ақпараттық үдерістерді өмірдің түрлі ағымына енгізу, оқушылардан ақпараттық білімінің болуын қажет етеді.
ІТ кабинеттің ашылуы білім беру жүйесін одан әрі қолжетімді етіп, жаңа идеялардың тууына әсер етпек.
TED-x форматындағы әдістемелік семинар
Железин №3ЖББОМ-нің базасында оқу жұмысы жөніндегі директорлардың орынбасарлары үшін «TEDx технологиялардың қолдануы – креативті идеяларды тарату жолы » тақырыбында семинар өткізілді. Семинарды аудан әдістемелік кабинетінің меңгерушісі А.Т.Каримова ашып жүргізді.
Семинар барысында тамыздық секциялық іс-шаралардың қарсаңында «TED Talks Education – конференцияларға дайындау және сөйлеу жаңа форматындағы ерекшеліктері» туралы түсініктеме берілді. Сөз айтатындарынынң баяндамалары тыңдалды: Новомир ЖББОМ-нің география мұғалімі Н.З. Лятин аймақтық компонентке назар аударып жеке тұлғаның үйлесімді дамыған факторы ретінде туристік-өлкетану қызметі туралы айтты. ЖББОМ №1 технология және көркем еңбек мұғалімі Т.Г. Бадеева көркем еңбек сабағын беру тиімді оқыту әдістерімен бөлісті.
Железин ауданының жас мұғалімдер Клубының ашылуы
2018 жылғы 22-мамырында әдістемелік кабинетінің жұмыс жоспарына сәйкес Башмашын ЖББОМ базасында аудандық «Жаңартылған мектепте жас мұғалімнің табыстылық жолдары» тақырыбында семинар-коучинг өткізілді. Бұл семинардың жарқын оқиғасы - «Кемел болашақ» Железин ауданының жас мұғалімдер Клубының ашылуы болып табылды. Барлығы Железин ауданында жас мұғалімдер саны- 18. Олардың барлығы аудандық семинарға қатысуға шақырылды.
Шара салтанатты ашылуынан басталды. Аталған семинарды мектеп директордың орынбасары Мусалимова С.Ж. өткізді. Құттықтау, тілек сөзімен жас мамандардың алдында Железин ауданы білім бөлімінің басшысы Баденова А.Б. сөйледі. Сөйлеген сөзінде Анара Балтабековна жас мұғалімдерге тілек айтып, жас мұғалімнің қалыптасу жолындағы мысалдар келтіріп, қиыншылықтарды шешу жолдарын ұсынды.
Шараның келесі кезеңі- жас мұғалімдерді арнау. Башмашын ЖББОМ жоғары сынып оқушылары салтанатты музыканың фонында жас мамандарға галстук байлап, логотипі бар бейдждерді берді.
